Ons moedig groepe aan om hulle lewens met mekaar te deel, vir mekaar te sorg, saam Bybel te lees en saam te bid. Op hierdie manier probeer lede om hulle eie lewensstories met God se storie te verbind.

Die volgende vrae is belangrik: hoe raak die teks wat ons lees, die ervaringe wat ons deel, die DVD’s waarna ons kyk, of wat die groep ook al doen, elkeen se lewe? Wat probeer God daardeur vir ons sê? Hoe kan dit ons liewer maak vir God, mekaar en die wêreld, sodat dit wat in die groep gebeur iets van God se koninkryk in die wêreld vestig?

Behoort, groei en dien

behoort is ’n plek van ...

• vriendskap
• omgee en begrip
• aanvaarding
• vertroue en vertroulikheid
• eerlike liefde (Ef. 4:15)

om te groei is om...

• vrae te vra
• op reis te wees
• soos Jesus te word (2 Kor. 3:18)
• vrug te dra (Gal 5:22-23; Joh. 15:1-8)
• liewer te word vir God (Mat 22:37), mekaar (Joh. 13:35 ) en die wêreld (Mat 28:19)

om te dien is om ...

• jou gawes te deel met ander
• om te gee vir mense
• ander se behoeftes raak te sien en te reageer
• gehoorsaam te wees aan God