Golden Oldies by Babylonstoren
Elke kwartaal word daar ‘n kuier/uitstappie gereël vir die SG seniors en Saterdag 12 Oktober het ‘n klompie van ons die reënbuie trotseer en gaan kuier by Babelonstoren. Hierdie was nie sommer ‘n gewone kuier, ons is aan huis van die inwonende plaasbestuurder Hannes en sy vrou Coretha Aucamp onthaal. Hul gasvryheid en vriendelikheid was die mooiste geskenk wat ons dié dag kon kry.
Nadat daar tee, skons en kaaskoek geniet is, is ons deur die wonderlike tuine geneem. Die meer as 7000 blommende Clivias was ‘n fees vir die oog. Rondte 2 van koek en tee was die perfekte afsluiting op ‘n pragtige dag.
Indien jy graag wil deel wees van hierdie uitstappies en val in die ouderdomsgroep van gevorderde senior jeug (65+), kontak asseblief die kerkkantoor by 021 883 3886 dat ons jou na die volgende geselligheid kan uitnooi.
